आर्सनलको पीएसजीमाथि सहज जित
![आर्सनलको पीएसजीमाथि सहज जित](https://www.rafatnews.com/wp-content/uploads/2024/10/arsanal-a.jpg)
काठमाडौं । च्याम्पियन्स लिगमा इंग्लिस क्लब आर्सनलले फ्रेन्च क्लब पेरिस सेन्ट जर्मेन (पीएसजी) माथि सहज जित निकालेको छ । घरेलु मैदान इमिरेट्समा भएको खेलमा आर्सनलले पीएसजीलाई २-० गोलअन्तरले पराजित गरेको हो । आर्सनलको जितमा काई हावर्ट्ज र बुकायो साकाले गोल गरे ।
खेलको २०औँ मिनेटमा काई हावर्ट्जले गोल गर्दै आर्सनललाई सुरुवाती अग्रता दिलाएका थिए । यस्तै, खेलको ३५औँ मिनेटमा बुकायो साकाले गोल गर्दै आर्सनलको अग्रता दोब्बर पारेका थिए । बाँकी समयमा दुवै टोलीबाट गोल हुन नसकेपछि खेल आर्सनलले २-० गोलअन्तरले जितेको हो । जितसँगै आर्सनलले ३ अंक जोडेको छ । आर्सनलले २ खेलबाट ४ अंकका साथ तालिकाको आठौँ स्थानमा उक्लिएको छ । पराजित पीएसजी भने २ खेलबाट ३ अंकका साथ १८औँ स्थानमा छ ।
प्रतिक्रिया