काठमाडौं ।  रुसका विदेशमन्त्री सर्गेई लाभरोभले बिहीबार मस्को युक्रेनसँगको युद्धबारे सम्झौता गर्न तयार रहेको बताएका छन् । महिनौँसम्म किएभमाथि भएको सबैभन्दा घातक आक्रमणपछि एक दुर्लभ आलोचना गर्दै अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनलाई आक्रमण रोक्न आग्रह गरेपछि रुसी विदेशमन्त्रीको यस्तो भनाइ आएको हो ।

‘हामी सम्झौतामा पुग्न तयार छौँ, तर अझै केही विशिष्ट विन्दुहरू छन्, जसलाई राम्रोसँग सुधार गर्न आवश्यक छ र हामी यसमा व्यस्त छौँ,’ लाभरोभले भनेका छन् । ट्रम्पका दूत स्टिभ विटकफ शुक्रबार रुस जाँदै छन् । त्यहाँ उनले पुटिनसँग युद्धविराम वार्ताको अर्को चरण गर्ने अपेक्षा गरिएको छ । लाभरोभले वार्ता प्रक्रिया सही दिशामा अघि बढिरहेको र वासिङ्टनसँग वार्ता जारी रहने बताए ।