काठमाडौं । आज शुक्रबार सुन प्रति तोला आठसय रुपैयाँ घटेको नेपाल सुनचाँदी व्यवसायी महासंघले जनाएको छ। आज सुन प्रति तोलाको १ लाख ८९ हजार ८ सय कायम भएको छ । हिजो बिहीबार सुनको मूल्य तोलामा तीन हजार ६ सय रुपैयाँ बढेर एक लाख ९० हजार ६ सय रुपैयाँ पुगेको थियो। सुनको उक्त मूल्य हालसम्मकै सबैभन्दा उच्च हो।

अस्ति बुधबार पनि सुन तोलाको २७ सय रुपैयाँ बढेको थियो। यसअघिका तीन दिनमा सुन तोलामा १० हजार ६ सय रुपैयाँ बढेको थियो। आज चाँदीको मूल्य भने स्थिर छ। आज चाँदीको मूल्य एक हजार ९ सय ६० रुपैयाँमै स्थिर रहेको महासंघले जनाएको छ।