काठमाडौं ।  तीनकुनेमा घटनामा परेर मृत्यु भएका पत्रकार सुरेश रजकको शव पोस्टमार्टमपछि परिवारले बुझेका छन्।  त्रिवि शिक्षण अस्पतालमा रजकको शव पोस्टमार्टमपछि बुधबार परिवारलाई हस्तान्तरण गरिएको हो। पोस्टमार्टमका क्रममा रजकको जलेर मृत्यु भएको देखिएको अस्पतालले जनाएको छ।

घटनामा रजकलाई गोली लागेको हो कि हेइन भन्ने पत्ता लगाउन उनको एक्स-रेमा गोली लागेको नदेखिएपछि बुधबार पोस्टमार्टम गरिएको हो। उनको नारायण गोपाल चोक, बालाजु हुँदै नयाँ बजारसम्म शव यात्रा गरिएको थियो।