काठमाडौं । नेपाली बजारमा आज सुनको मूल्य घटेको छ । नेपाल सुनचाँदी व्यवसायी महासंघका अनुसार हिजो मंगलबारको तुलनामा आज सुन प्रति तोला ६ सय रुपैयाँ घटेको छ ।
महासंघका अनुसार हिजो मंगलबार १ लाख ७९ हजार ७०० रुपैयाँ कायम भएकोमा आज बुधबार छापावाल सुनको मूल्य १ लाख ७९ हजार १०० रुपैयाँ कायम भएको छ ।

यस्तै चाँदीको मूल्य पनि मंगलबारको तुलनामा प्रति तोला १५ रुपैयाँ घटेको छ । हिजो मंगलबारबार चाँदी तोलाको २ हजार ३५ रुपैयाँ कायम भएकोमा आज बुधबार प्रति तोला दुई हजार २० रुपैयाँ तोकिएको महासंघले जनाएको छ ।