काठमाडौं ।  प्रधानमन्त्री केपी शर्मा ओलीको आह्वानमा बोलाएको सर्वदलीय बैठक अहिले केहीबेरमा सिंहदरबारमा बस्दैछ । बैठकमा गत शुक्रबार काठमाडौंको तीनकुने क्षेत्रमा भएको हिंसात्मक प्रदर्शन र लोकतान्त्रिक गणतन्त्रविरुद्धको विभिन्न खाले अभियानलाई निःस्तेज बनाउने विषयमा छलफल हुने नेपाली कांग्रेसका एक नेताले बताए ।

विकसित पछिल्लो घटनाक्रम र संसदमा जारी अवरोध खुलाउनेलगायतका समसामयिक राजनीतिक विषयमामा पनि छलफल हुनेछ । यसअघि प्रधानमन्त्री ओली र प्रमुख प्रतिपक्षी दल नेकपा माओवादी केन्द्रका अध्यक्ष पुष्पकमल दाहाल प्रचण्डबीच टेलिफोन संवाद भएको र त्यसलगत्तै प्रधानमन्त्रीले सर्वदलीय बैठक बोलाइएको नेकपा एमालेका मुख्य सचेतक महेशकुमार बर्तौलाले जानकारी दिए ।

आजको सर्वदलीय बैठकमा राप्रपालाई भने बोलाइएको छैन । राजसंस्था स्थापना गर्ने भन्दै भएको गत शुक्रबारको हिंसात्मक प्रदर्शनमा राप्रपाका नेताहरु पनि सहभागी थिए ।