काठमाडौं ।  कोटेश्वरस्थित भाटभटेनीमा लुटपाट गर्ने नाै जना पक्राउ परेका छन् । १५ चैतमा राजावादीहरूले गरेको प्रदर्शनका क्रममा भाटभटेनीमा तोडफोड र लुटपाट गर्ने उनीहरूलाई प्रहरीले विभिन्न स्थानबाट पक्राउ गरेको हो ।

प्रहरीले उनीहरूको साथबाट लुटिएका सामानहरू पनि बरामद गरेको छ । पक्राउ पर्नेमा एक भारतीय नागरिक पनि छन् । रवि रज्जन कुमार नाम गरेका उनी भारतको बिहार घर भई काठमाडाैंको नरेफाँटमा बस्दै आएका थिए । उनकाे साथबाट भाटभटेनीबाट लुटिएको रक्सी बरामद भएको प्रहरीले जनाएको छ ।