काठमाडौं । नेपाली बजारमा आज आइतबार पनि पनि सुनको मूल्य बढेको छ । आज छापावाल सुन प्रति तोला ६ सय रुपैयाँ वृद्धि भएको छ । नेपाल सुनचाँदी व्यवसायी महासंघका अनुसार आज सुन प्रति तोला १ लाख ७६ हजार आठ सय रुपैयाँ कायम भएको छ । अस्त शुक्रबार सुन तोलाको एक लाख ७६ हजार दुई सय रुपैयाँ थियो ।

यस्तै, आज चाँदीको मूल्य भने घटेको छ । अस्ति शुक्रबार चाँदी तोलाको मूल्य दुई हजार ४० रुपैयाँ भएकोमा आज आइतबार प्रति तोला १५ रुपैयाँ कम भई तोलाको दुई हजार २५ रुपैयाँ कायम भएको महासंघले जनाएको छ ।