काठमाडौं । काठमाडौं महानगरपालिकाले शुक्रबार तीनकुने क्षेत्रको प्रदर्शनमा तोडफोड र फोहोर गरेकोमा पूर्वराजा ज्ञानेन्द्र शाहलाई जरिवाना तिराउने भएको छ। ज्ञानेन्द्र शाह, निर्मलनिवास काठमाडौंका नाममा महानगरका ८ जना नगर प्रहरीले शनिबार ८ वटा बेग्लाबेग्लै पत्र काटेका हुन्। जरिवाना रकम एक लाख रुपैयाँ तोकिएको छ ।

काठमाडौं महानगरपालिकाको टोलीले शनिबार तीनकुने–कोटेश्वर-जडिबुटी क्षेत्रमा भएको क्षतिको विवरण संकलन गरेको थियो। उक्त विवरण संकलन गरी लाग्‍ने खर्च र सरसफाइको शुल्क पनि पूर्वराजा शाहबाटै असुल गराउने निर्णय भएको हो। तीनकुने क्षेत्रमा शुक्रबार दुई जनाको मृत्यु भएको थियो। प्रदर्शनकारीहरूले पार्टी कार्यालय, निजी घर, सुपरमार्केट, सञ्चार गृह, जडिबटी प्रशोधन केन्द्र र सरकारी गाडीमा आगजनी गरेका थिए।