काठमाडौं । प्रहरीले धर्मगुरु पुष्कर खतिवडालाई  गरेको छ। उनलाई ललितपुरको इमाडोलबाट आज शनिबार बिहान पक्राउ गरिएको हो। काठमाडौंको तीनकुने क्षेत्रमा शुक्रबार राजावादी आन्दोलनको क्रममा उनी हिंसात्मक गतिविधिमा संलग्न थिए र ढुंगा हान्दै अरूलाई उक्साएको प्रहरीको आरोप छ। हिंसात्मक राजावादी आन्दोलनमा पक्राउ पर्ने व्यक्तिको संख्या ११० पुगेको छ।

यसैगरी नेकपा माओवादी केन्द्रका अध्यक्ष पुष्पकमल दाहाल प्रचण्डले हिजो भएको एकीकृत समाजवादीको केन्द्रीय कार्यालय तोडफोडको आज शनिबार अवलोकन गरेका छन्। अराजक प्रदर्शनका क्रममा राजावादीहरूले तीनकुने क्षेत्रमा निजी घर, सञ्चारगृह, सार्वजनिक सवारीसाधनमा तोडफोड र आगजनी गरेका थिए। यस्तै गृहमन्त्री रमेश लेखकले तीनकुने पुगेर हिजो भएको तोडफोडको अनुगमन गरेका छन् ।

अनुगमनमा माओवादी केन्द्रका अध्यक्ष नेकपाका महासचिव नेत्र विक्रम चन्द ‘विप्लव’, नेपाल समाजवादी पार्टी (नेसपा) का अध्यक्ष महिन्द्रराय यादवसहित एकीकृत समाजवादीका अध्यक्ष माधव नेपाललगायतका नेताहरूको उपस्थिति थियो । मोर्चाले नेकपा एसको पार्टी कार्यालयमा भएको तोडफोडको भर्त्सनासमेत गरेको छ । साथै आपराधिक क्रियाकलापमा संलग्नलाई कारबाही गर्न सरकारसँग माग गरिएको छ ।