काठमाडौं । प्रहरीले राष्ट्रिय प्रजातन्त्र पार्टीका वरिष्ठ नेता रविन्द्र मिश्र र महामन्त्री धवलशम्शेर राणालाई पक्राउ गरेको छ ।
काठमाडौं उपत्यका अपराध अनुसन्धान कार्यालय टेकुका प्रहरी उपरीक्षक अङ्गुर जिसीका अनुसार उनीहरूलाई हिजो शुक्रबार साँझ पक्राउ गरिएको हो ।
तीनकुनेमा हिजो भएको घटनाका सन्दर्भमा आवश्यक सोधपुछका लागि उनीहरूलाई पक्राउ गरिएको प्रहरीले जनाएको छ ।
राजसंस्था पुनःस्थापना लागि जनआन्दोलन समितिका संयोजक नवराज सुवेदीलाई भने प्रहरीले घरमै नियन्त्रणमा राखेको छ । त्यसैगरी, प्रहरीले अधिवक्ता स्वागत नेपाल र अन्य केहीलाई पनि पक्राउ गरेको जनाएको छ ।