भारतको बहराइच दुर्घटनामा : दाङका तीन जनाको मृत्यु

काठमाडौं । दाङको तुलसीपुरबाट भारतको अयोध्या तीर्थ यात्राका लागि गएको स्कार्पियो गाडी दुर्घटना हुँदा तीन जनाको मृत्यु भएको छ ।

बिहीबार बिहान तुलसीपुरबाट छुटेको भारतीय नम्बर प्लेटको युपी ३१ एसी ७२०० नम्बरको स्कार्पियो गाडी भारतको बहराइचमा दुर्घटना हुँदा तीन जनाको मृत्यु भएको हो ।

तुलसीपुर – ७ का वडा अध्यक्ष रामबहादुर जिसीका अनुसार दुर्घटनामा परी गाडी चालक तुलसीपुर – ७ पर्सेनी निवासी अन्दाजी ३७ वर्षीय युवराज चापागाईसहित तीन जनाको मृत्यु भएको छ ।

एक जनाको घटनास्थलमा र दुई जनाको भारत बलरामपुर अस्पतालमा उपचारको क्रममा मृत्यु भएको प्रहरीले जनाएको छ । प्रहरीका अनुसार घाइतेहरूको उपचार भइरहेको छ । अन्य मृतकहरूको पहिचान खुलिसकेको छैन ।

लुम्बिनी प्रदेश प्रहरी कार्यालयले भारतीय दुतावाससँग सम्पर्क गरेर घटनाबारे बुझिरहेको एसएसपी जनार्दन जिसीले बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खबर