महिला एसियन कप २०२६ को छनोट चरणमा नेपाल समूह एफमा

काठमाडौं । एएफसी महिला एसियन कप २०२६ को छनोट चरणमा नेपाल समूह एफमा परेको छ । मलेसियाको क्वालालम्पुरस्थित एएफसी हाउसमा बिहीबार सम्पन्न ड्रमा नेपाल र आयोजक उज्वेकिस्तान एकै समूहमा परेका हुन् । समूह एफ मा लाओस र श्रीलंका पनि रहेका छन् । हरेक समूहको विजेताले अष्ट्रेलियामा हुने एसियन कप खेल्नेछन् ।

३४ टोलीलाई ८ समूहमा विभाजन गरिएको हो । जुन महिनामा हुने समूह एफको छनोट खेल उज्वेकिस्तानमा हुनेछ । नेपालले हालसम्म उज्वेकिस्तानविरुद्ध खेलेको सबै तीन खेल हारेको छ । लाओसविरुद्ध हालसम्म नखेलेको नेपालले श्रीलंकामाथि भने सबै ८ खेलमा जितको नतिजा निकालेको छ । एसियन कप सन् २०२६ मार्चमा अष्ट्रेलियामा हुँदैछ । प्रतियोगितामा १२ टोली सहभागी हुनेछन् । आयोजक अष्ट्रेलियासँगै चीन, दक्षिण कोरिया र जापान भने छनोट भइसकेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खबर