अर्जेन्टिना विश्वकप २०२६ का लागि छनोट

काठमाडौं ।   साविक विजेता अर्जेन्टिना फिफा विश्वकप २०२६ का लागि छनोट भएको छ । दक्षिण अमेरिकी छनोटमा ब्राजिलविरुद्ध सानदार जित निकाल्दै अर्जेन्टिनाले विश्वकपमा स्थान पक्का गरेको हो ।

आज बिहान भएको खेलमा अर्जेन्टिनाले ब्राजिलमाथि ४-१ गोलको सानदार जित निकालेको हो । अर्जेन्टिनाका लागि खेलको चौथो मिनेटमा गोल गर्दै जुलियन अल्बारेजले अग्रता दिलाएका थिए । १२औँ मिनेटमा एन्जो फर्नान्डेजले गोल गरेसँगै अर्जेन्टिनाले खेल २-० को स्थितिमा पुर्‍यायो ।

२६औँ मिनेटमा ब्राजिलका लागि म्याथु चुन्हाले गोल गर्दै स्कोरलाई २-१ को स्थितिमा पुर्‍याए । तर, ३७औँ मिनेटमा अर्जेन्टिनामा एलेक्स म्याक एलेस्टरले गोल गर्दै खेललाई ३-१ को स्थितिमा पुर्‍याए ।  ७१औँ मिनेटमा अर्जेन्टिनाका जिलियन सिमोनले गोल गर्दै ब्राजिलविरुद्ध ४-१ को जित सुनिश्चित गरे ।


प्रतिक्रिया

Leave a Reply

Your email address will not be published. Required fields are marked *

सम्बन्धित खबर