सुन तोलामा दुई सय रुपैयाँ घट्यो, चाँदीको भाउ स्थिर
रफत न्युज १२ चैत २०८१ १२:१४
काठमाडौं । पछिल्ला चार कारोबार दिनदेखि सुनको भाउ लगातार घटेको छ। नेपाली बजारमा शुक्रबारदेखि सुनको मूल्य घटेको हो। बिहीबार छापावाल सुन प्रति तोला १ लाख ७६ हजारमा कारोबार भएकोमा शुक्रबार १ हजार घटेको थियो।
यसैगरी, आइतबार ९ सय र सोमबार ६ सय घटेको थियो। आज मंगलबार २ सय घटेको छ। नेपाल सुनचाँदी व्यवसायी महासंघले आजका लागि छापावाल सुनको भाउ प्रतितोला १ लाख ७३ हजार ३ सय रुपैयाँ तोकेको छ। यस्तै, आज चाँदी प्रति तोलाको १९ सय ८० रुपैयाँ कायम भएको महासंघले जनाएको छ । यो भाउ सोमबारकै अनुसार कायम भएको छ ।
प्रतिक्रिया
