गोरखा । २७ वर्षीय हरि विकको करेन्ट लागेर मृत्यु भएको छ।

जिल्लाको आरुघाट गाउँपालिका–६ स्थित कल्लेरीका विकलाई फाइबरको तार तान्ने क्रममा पोलमा चढ्दा करेन्ट लागेको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक इन्द्रप्रसाद सुवेदीले जानकारी दिएका छन्।

करेन्ट लागेर गम्भीर घाइते भएका विकलाई गोरखा अस्पतालका चिकित्सकले मृत घोषित गरेका प्रहरीले जनाएको छ

घटनास्थलमा अनुसन्धान गर्दा डिसहोमको फाइबरको तार तान्ने क्रममा पोलमा चढ्दा बिजुलीको नाङ्गो तारमा छोइएपछि उनलाई करेन्ट लागेको पाइएको रघटनाको थप अनुसन्धान भइरहेको प्रहरीले जनाएको छ।