कांग्रेस बैठक : राजावादीहरूको सक्रियता मुख्य छलफल

काठमाडौं ।  राजावादीहरूको सक्रियता बढेपछि त्यस विषयमा छलफल गर्न प्रमुख सत्तारुढ दल नेपाली कांग्रेसले कार्यसम्पादन समितिको बैठक बोलाएको छ । आइतबार दिउँसो १ बजे केन्द्रीय कार्यालय सानेपामा बैठक बस्दैछ । बैठकमा समसायिक राजनीतिक विषयमा छलफल हुने पार्टीकी सहमहामन्त्री महालक्ष्मी उपाध्याय ‘डीना’ ले जानकारी दिइन्।

बैठकमा पछिल्लो समय बढ्दै गएको राजावादीहरुको सक्रियताबारे पनि छलफल हुनेछ। चैत ५ गते पार्टी सभापति शेरबहादुर देउवाको निवासमा बसेको पार्टी पदाधिकारी र पूर्वपदाधिकारीको बैठकले पछिल्लो राजनीतिक घटनाक्रमबारे छलफल गर्न कार्यसम्पादन समितिको बैठक बोलाउने निर्णय गरेको थियो। पछिल्लो समय राजावादीको प्रदर्शनबाट दलहरू सशंकित छन्।


प्रतिक्रिया

Leave a Reply

Your email address will not be published. Required fields are marked *

सम्बन्धित खबर