काठमाडौं । नेपाल कम्युनिष्ट पार्टीका महासचिव तथा समाजवादी मोर्चाका संयोजक नेत्रविक्रम चन्द ‘विप्लव’ले नेपालमा राजनीतिक दुर्घटना हुनसक्ने संभावना बढेको बताएका छन्।

केही दिनदेखि झापामा रहेर समाजवादी मोर्चा तथा पार्टीको कामलाई निरन्तरता दिएका विप्लवले मंगलबार बिहान झापाको बिर्तामोडमा आयोजित पत्रकार सम्मेलनमा नेपालमा राजनीतिक दुर्घटना बढेको बताएका हुन्।

उनले देशमा २०४७ सालतिर फर्किने र अझ अग्रगमनको बाटोमा जानुपर्छ भन्नेहरूको द्वन्द्व चर्किरहेका बेला त्यस्तो संभावना रहेको बताए।

उनले भने,’धेरै मान्छे राजतन्त्रको वकालत गरेर हिँडिरहेका छन्। यसरी पहिलाका दिनमा फर्किने र अग्रगमन चाहनेहरूबीच द्वन्द्व चर्किँदै गयो भने दुर्घटनाको संभावना देखिन्छ।’