मेसीले विश्वकप छनोट खेल गुमाउने

काठमाडौं ।   अर्जेन्टिनी स्टार लियोनेल मेसीले विश्वकप छनोट खेल गुमाउने भएका छन् । ३७ वर्षीय फरवार्ड मेसीले उरुग्वे र ब्राजिलविरुद्धको खेल गुमाउने भएका हुन् ।

अर्जेन्टिनाका मुख्य प्रशिक्षक लियोनेल स्कालोनीले सोमबार घोषणा गरेको २५ सदस्यीय टोलीमा उनको नाम समावेश गरेका छैन । अर्जेन्टिनी फुटबल संघले उनको अनुपस्थितिको औपचारिक कारण खुलाएको छैन ।

विश्वकप छनोटमा शीर्ष स्थानमा रहेको अर्जेन्टिनाले शुक्रबार दोस्रो स्थानको उरुग्वेसँग खेल्नेछ । त्यसको चार दिनपछि मंगलबार अर्जेन्टिनाले पाँचौं स्थानको ब्राजिलको सामना गर्नेछ । अर्जेन्टिनाले १२ खेलबाट २५ अंक जोडेको छ । समान खेलबाट उरुग्वेको २० र ब्राजिलको १८ अंक छ । मेसी मात्रै होइन, अर्जेन्टिनाका अन्य महत्त्वपूर्ण खेलाडीहरू पनि यी दुई खेलका लागि अनुपस्थित हुनेछन् ।

पाउलो डिबाला, गोन्जालो मोन्टिएल र जियोभानी लो सेल्सो चोटका कारण टोलीबाहिर छन् । मार्च २ मा घोषणा गरेको प्राम्भिक टोलीबाट एलेजान्ड्रो गार्नाचो र क्लाउडियो एचेभेरीलाई पनि प्रशिक्षक स्कालोनीले बाहिर राखेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खबर