अछामको बटुलासेन केन्द्रबिन्दु भएर ४.३ म्याग्निच्युडको भूकम्प
रफत न्युज ५ चैत २०८१ ८:००
काठमाडौं । अछाम जिल्लाको बटुलासेन आसपास केन्द्रबिन्दु भएर मङ्गलबार बिहान ६ः३३ बजे ४.३ म्याग्निच्युडको भूकम्प गएको छ।
नेपाल भूगर्भ विभाग, राष्ट्रिय भूकम्प मापन तथा अनुसन्धान केन्द्रका अनुसार यो भूकम्प सुदूरपश्चिम क्षेत्रमै महसुस गरिएको थियो। हालसम्म कुनै ठुलो क्षति वा मानवीय हताहतको जानकारी आएको छैन।
नेपाल भूकम्प प्रवृत्त क्षेत्रभित्र पर्ने भएकाले यहाँ साना परकम्पहरू जाने क्रम जारी रहन सक्ने विज्ञहरूले बताएका छन्। भूकम्पको थप विवरण सङ्कलन भइरहेको केन्द्रले जनाएको छ।
प्रतिक्रिया
