काठमाडौं ।  स्पेनिस लालिगामा बार्सिलोनाभन्दा २ खेल बढी खेलेको रियल म्याड्रिड पुन:शीर्ष स्थानमा फर्किएको छ। शनिबार राति भएको खेलमा बार्सिलोनाले भिल्लारियललाई २-१ ले हराउँदै दोस्रो स्थानको बार्सिलोनाभन्दा ३ अङ्कको अग्रता बनाएको हो।

खेलमा अग्रता भन्ने भिल्लारियलले जुआन फोयथको गोलबाट लिएको थियो। फोयथले ७ औं मिनेटमा भिल्ला रियललाई अग्रता दिलाएका थिए। तर केलियन एम्बाप्पेले पहिलो हाफमै टिमलाई अग्रता दिलाए। १७ औं मिनेटमा पहिलो गोल गरेका उनले २३ औं मिनेटमा अग्रता दोब्बर बनाएका थिए। त्यसपछि दुवै तर्फबाट थप गोल हुन सकेन।

त्यस्तै अन्य खेलमा सेल्टा भिगोले रियल भालाडोलिडलाई १-० ले हराउँदा मालोर्काले स्पानियोललाई २-१ ले हरायो। त्यस्तै जिरोना र भ्यालेन्सियाले १-१ गोलको बराबरी खेलेका थिए। खेलपछि रियल म्याड्रिड २८ खेलबाट ६० अङ्क बनाएर शीर्ष स्थानमा पुगेको छ। २६ खेल खेलेको बार्सिलोनाको ५७ अङ्क छ। त्यस्तै एट्लेटिको म्याड्रिड ५६ अङ्क सहित तेस्रो स्थानमा रहँदा एथलेटिको क्लब ४९ अङ्कका साथ चौंथो स्थानमा रहेको छ।