काठमाडौं । वेस्ट ह्याम युनाइटेडले मार्च २०२४ यता पहिलो जित दर्ता गर्दै लेस्टर सिटीलाई २-० को अन्तरले पराजित गरेको छ। घरेलु मैदानमा वेस्ट ह्याम आफ्नो उत्कृष्ट लयमा थिएन, तर विपक्षी टिमको कमजोर प्रदर्शनले उनीहरूको खेल सहज बनायो। खेलको पहिलो हाफमै घरेलु टोलीले नतिजा लगभग पक्का गरिसकेको थियो।

३० औँ जन्मदिन मनाउँदै गरेका टोमस सोउचेकेले २१ औ मिनेटमा पहिलो गोल गरे। मोहम्मद कुदुसको प्रहारलाई लेस्टरका गोलकिपर हर्मानसेनले बचाए पनि सोउचेकेले सजिलै रिबाउन्ड गोल गर्दै टोलीलाई अग्रता दिलाएका हुन्।

पहिलो हाफको इन्जुरी टाइममा वेस्ट ह्यामले दोस्रो गोल थप्यो। कर्नरबाट आएको बलमा जारोड बोवेनले प्रहार गर्दा लेस्टरका डिफेन्डर वेस्टरगार्डले आफ्नै पोस्टमा डिफ्लेक्ट गरी आत्मघाती गोल गरे।

दोस्रो हाफभरि वेस्ट ह्यामले खेल आफ्नो नियन्त्रणमा राख्यो। लेस्टरले खासै अवसर सिर्जना गर्न सकेन, जसका कारण पाहुना टोली हार ब्यहोर्न बाध्य बन्यो। यो जितसँगै वेस्ट ह्याम लिग तालिकामा महत्त्वपूर्ण तीन अंक जोड्न सफल भयो। वेस्ट ह्याम ३३ अंककासाथ तालिकाको १५ औं स्थानमा छ भने लेस्टर १७ अंंकका साथ १९ औं स्थानमा छ।