इन्टर मिलान कोपा इटालियाको सेमिफाइनलमा

काठमाडौं ।  इन्टर मिलानले कोपा इटालियाको सेमिफाइनलमा स्थान बनाउने क्रममा लाजियोलाई २-० गोल अन्तरले पराजित गरेको छ। सान सिरोमा भएको यो खेलमा इन्टरले सहज जित निकाल्दै अब सेमिफाइनलमा आफ्नै सहरको प्रतिद्वन्द्वी एसी मिलानसँग डर्बी खेल्नेछ।

खेलको सुरुवातमा लाजियोले केही आक्रमण प्रयास गरे पनि इसाक्सेन र डियाको फिनिसिङ कमजोर देखियो। तर, इन्टरका अनुभवी स्ट्राइकर मार्को अर्नाउटोभिचले पहिलो हाफको ३९औं मिनेटमा उत्कृष्ट गोल गर्दै टिमलाई अग्रता दिलाए। फेडेरिको डिमार्कोको कर्नरलाई लाजियोका जक्काग्नीले क्लियर गरे पनि बल सोझै अर्नाउटोभिचकहाँ पुग्यो।

उनले पहिलो टचमै उत्कृष्ट प्रहार गर्दै बललाई जाली चुमाएका थिए। दोस्रो हाफमा लाजियोका खेलाडीहरूले थप दबाब दिने प्रयास गरेका थिए । ७७औं मिनेटमा इन्टरले दोस्रो गोल गर्दै जित सुनिश्चित गर्‍यो। हाकान चाल्हानोग्लुले सफलतापूर्वक पेनाल्टीम पोस्टको जाली चुमाए। यस जितसँगै इन्टर मिलानले कोप्पा इटालियाको सेमिफाइनलमा प्रवेश गरेको छ, जहाँ उनीहरूको सामना एसी मिलानसँग हुने छ।


प्रतिक्रिया

Leave a Reply

Your email address will not be published. Required fields are marked *

सम्बन्धित खबर