काठमाडौं ।  संयुक्त राष्ट्र संघमा रुसले पहिलोपटक अमेरिकाको समर्थन पाएको छ । रुस र युक्रेनबीच युद्ध सुरु भएयता अमेरिका पहिलोपटक युक्रेनको विपक्षमा उभिएको हो ।

सोमबार संयुक्त राष्ट्र संघबाट युक्रेनी भूभागबाट रुसी सेना तत्काल फिर्ता हुनुपर्ने प्रस्ताव अनुमोदन भएको छ । यो प्रस्तावको पक्षमा ९३ र विपक्षमा १८ मत पर्दा ६५ देशले मतदानमा भाग लिएनन् । तर, यसको महत्त्वपूर्ण पक्ष के हो भने अमेरिकाले यो प्रस्तावको विपक्ष अर्थात् रुसको पक्षमा मतदान गरेको थियो ।

प्रस्तावलाई समर्थन गर्नेहरूमा जर्मनी, बेलायत र फ्रान्स जस्ता प्रमुख युरोपेली देशहरू छन् । अमेरिका र रुससँगै इजरायल तथा हंगेरी जस्ता देशले पनि यो प्रस्तावको विपक्षमा मतदान गरे ।