काठमाडौं ।  इङ्ग्लिस प्रिमियर लिगको उपाधि दौडमा रहेको लिभरपुलले म्यानचेस्टर सिटीमाथि सहज जित निकालेको छ ।  गएराति सिटीको घरेलु मैदान इत्तिहादस्टेडियममा भएको खेलमा लिभरपुरले २–० को सहज निकालेको हो ।

खेलको १४ औँ मिनेटमा मोहम्मद सलाहको गोलमा लिभरपुलले सुरुवाती अग्रता बनाएको थियो ।  खेलको ३७ औँ मिनेटमा डोमिनिक सोबोस्लाइकोगोलमा लिभरपुलले अग्रता दोब्बर पार्‍यो ।

जितसँगै शीर्षस्थानको लिभरपुलले ११ अंकको स्पष्ट अग्रता बनाएको छ । योसँगै लिभरपुल २० औँ उपाधि जित्नका लागि तयार देखिएको हो । लिभरपुलले २७ खेलबाट ६४ अंक जोड्दै तालिकाको शीर्ष स्थानमा छ । लिभरपुलभन्दा एक खेल कम खेलेको आर्सनल ५३ अंकमा दोस्रो स्थानमा छ ।

गएराति कै अर्को खेलमा न्युक्यासल युनाइटेडले नटिङघम फरेस्टमाथि ४–३ को जित दर्ता गरेको छ । न्युक्यासलले चारै गोल पहिलो हाफमा गरेको हो । नटिङघमले पहिलो हाफमा १ तथा दोस्रो हाफमा २ गोल थप्दा पनि टोलीको हार टार्न सकेन ।