काठमाडौं । जिल्ला प्रहरी कार्यालय झापामा कार्यरत प्रहरी नायव निरीक्षक धनराज खतिवडाले झुन्डिएर आत्महत्या गरेका छन् ।

झापाका निमित्त सूचना अधिकारी प्रहरी निरीक्षक विजय चौहानका अनुसार खतिवडाले तीनतले प्रहरी ब्यारेकको माथिल्लो तलामा रहेको पानीकोटंकीमा जाने फलामको भर्याङमा झुन्डिएर आत्महत्या गरेका हुन् ।

भोजपुर टेम्केमैयुङ गाउँपालिका वडा नं.४ घर भई हाल मोरङ कानेपोखरी गाउँपालिका वडा नं.७ बस्ने ४९ वर्षीय खतिवडाले नाइलनको डोरीको पासो लगाएका हुन् ।

उनका आफन्तहरूलाई जानकारी गराई कानुनी प्रकृयाको लागि तयारी भइरहेको र घटना सम्बन्धमा थप अनुसन्धान कार्य जारी रहेको चौहानले जानकारी दिएका छन् ।