काठमाडौं । अमेरिकन एअरलाइन्सको विमान दुर्घटनामा अहिलेसम्म १८ जनाको मृत्यु भएको छ । उद्धार टोलीले १८ जनाको शव बरामद गरेको बीबीसीले जनाएको छ । खोजी टोलीले अहिलेसम्म कोही पनि जीवित फेला पार्न सकेको छैन । अमेरिकाको वाशिङ्टन डीसीमा अमेरिकन एअरलाइन्सको विमान आकाशमै हेलिकप्टरसँग ठोक्किएको थियो ।
स्थानीय समयानुसार राति ९ बजे विमान र हेलिकप्टर ठोक्किएर रेगन वाशिङ्टन राष्ट्रिय विमानस्थल नजिकै पोटोम्याक नदीमा दुर्घटना भएको हो । डीसी फायर र ईएमएस विभागका अनुसार विमान डीसी हुँदै बग्ने पोटोम्याक नदीमा दुर्घटनाग्रस्त भएको थियो । यात्रुवाहक विमानसँग ठोक्किएको हेलिकप्टरमा ३ जना सैनिक सवार थिए । उनीहरू चालक दलकै सदस्य रहेको सीएनएनले जनाएको छ । विमानमा ६० यात्रु र ४ जना चालक दलका सदस्य थिए । ​