काठमाडौं ।  काभ्रेको बेथानचोक गाउँपालिका र महाभारत गाउँपालिकाको सिमानास्थित महाभारत सामुदायिक वनमा लागेको आगो अझै नियन्त्रणमा आउन सकेको छैन । हिजो दिउँसो २ बजेबाट आगलागी सुरु भएको थियो । खानीखोला गाउँपालिका वडा नम्बर १ थामलेख डाँडास्थित सामुदायिक वनमा आगलागी भएको हो ।

आगो वनको भीरमा लागेकाले तत्काल निभाउन सक्ने अवस्था नरहेको प्रहरी चौकी फलामेटारका प्रहरी सहायक निरीक्षक रामसागर महतोले जानकारी दिए । आगो निभाउने प्रयास भइरहेको उनले बताएका छन् । आगलागी भएको स्थानबाट ४ किलोमिटरको दूरीमा वस्ती छ । हालसम्म मानवीय तथा चौपाया क्षति नभएको प्रहरीले जनाएको छ ।