काठमाडौं । आज आइतबार नेपाली बजारमा पनि सुनचाँदीको मूल्य घटेको छ । सुनको मूल्य प्रति तोला ८ सय र चाँदी प्रतितोला ३० रुपैयाँले घटेको हो ।

गत शुक्रबार प्रति तोला एक लाख ५७ हजार नौ सयमा कारोबार भएको सुन आज प्रतितोला एक लाख ५७ हजार एक सय कायम भएको नेपाल सुनचाँदी व्यवसायी महासंघले जनाएको छ । त्यस्तै, आज चाँदी प्रति तोला एक हजार आठ सय ६० मा कायम भएको छ । शुक्रबार चाँदी प्रति तोला एक हजार आठ सय ९० मा खरिद बिक्री भएको थियो । अन्तर्राष्ट्रिय बजारमा सुनको मूल्य प्रति औँस अमेरिकी डलर १६ दशमलव २५ ले घटेर दुई हजार सात सय तीन दशमलव दुई कायम भएको छ ।