मेष (चु, चे, चो, ला, लि, लु, ले, लो, अ) नयाँ कार्यको अवसर मिल्दा पनि सोचे अनुरूप लाभ नमिल्ला। रोकिएको कार्य दोहोर्याउनु पर्ला। आफ्नो मेहनतको फल अरुले लिन सक्छन्। व्यापार व्यवसायमा विशिष्ट व्यक्तिहरूको सहयोग लिएर निर्णय लिनुहोला। आजको शुभ रंग रातो हो भने शुभ अंक ३ रहेको छ।

वृष (इ, उ, ए, ओ, वा, वि, वु, वे, वो) आध्यात्मिक चिन्तनतिर झुकाव रहनेछ। सामाजिक र सांस्कृतिक कार्यक्रममा भाग लिन सक्नुहुनेछ। अविवाहितहरूलाई विवाहको प्रस्ताव मिल्नेछ। कार्यक्षेत्रमा नयाँ सफलता हात लाग्नेछ। आजको शुभ रंग सेतो हो भने शुभ अंक २ रहेको छ।

मिथुन (का, कि, कु, घ, ङ, छ, के, को, हा) सरकारी क्षेत्रमा पदेन्नतिका योग छन्। व्यावहारिक जीवन आनन्दमय रहनेछ। विद्यार्थीहरूलाई कानुनी शिक्षामा विशेष सफलता मिल्नेछ। नोकरी वा पेशामा जिम्मेवारी बढ्नेछ। आजको शुभ रंग खैरो हो भने शुभ अंक ३ रहेको छ।

कर्कट (हि, हु, हे, हो, डा, डि, डु, डे, डो) व्यापार व्यवसायलाई लिएर गरिएको यात्रा लाभप्रद रहनेछ। नयाँ नोकरीको आँफर मिल्न सक्ला। विद्यार्थीहरूलाई प्रतियोगी परीक्षामा राम्रो सफलता मिल्नेछ। समाजमा सम्मान बढ्नेछ। आजको शुभ रंग निलो हो भने शुभ अंक ५ रहेको छ।

सिंह (मा, मि, मु, मे, मो, टा, टि, टु, टे) राजनीतिमा प्रभाव बढ्नेछ। कार्यक्षेत्रमा प्रशासनिक क्षेत्रबाट सहयोग नमिल्ला। खर्च बढ्नेछ। स्वास्थ्यलाई लिएर सचेत हुनुहोस्। नयाँ कुरा पाउन केही वस्तु त्याग्नुपर्ला। आजको शुभ रंग रातो हो भने शुभ अंक १ रहेको छ।

कन्या (टो, पा, पि, पु, ष, ण, ठ, पे, पो) कार्यक्षेत्रमा कामको सन्दर्भमा उच्चपदासीन व्यक्तिहरूको साथमा सम्पर्क बढ्नेछ। व्यापार व्यवसायबाट मनग्य लाभ प्राप्त हुनेछ। नयाँ कामको थालनीमा पारिवारिक सहयोग मिल्ला। आजको शुभ रंग हल्का हरियो हो भने शुभ अंक ५ रहेको छ।

तुला (रा, रि, रु, रे, रो, ता, ति, तु, ते) दिन लाभदायक रहनेछ। कार्यक्षेत्रमा पिताद्वारा सहयोग मिल्नेछ। नयाँ कामको जग बसाउन सकिन्छ। व्यापार व्यवसायमा दीर्घकालीन योजनाहरु बन्नेछन्। आफ्नो गोपनीयता उजागर नगर्नुहोला। आजको शुभ रंग सेतो हो भने शुभ अंक ७ रहेको छ।

वृश्चिक (तो, ना, नि, नु, ने, नो, या, यि, यु) शैक्षिक क्षेत्रमा सहयोग मिल्ला। आध्यात्मिक क्षेत्रमा विकास हुनुको साथै पठनपाठनमा मन लाग्नेछ। सामाजिक कार्यले समाजमा वर्चस्व बढ्नेछ। आजको शुभ रंग बैजनि हो भने शुभ अंक ८ रहेको छ।

धनु (ये, यो, भा, भि, भु, धा, फा, ढा, भे) कामको च्यापाच्यापले दिन थकानपूर्ण रहनेछ। कार्यक्षेत्रमा परिस्थिति अनुसार आफूलाई ढाल्ने प्रयास गर्नुहोला। आर्थिक पक्ष सबल रहनुको साथै मान सम्मान बढ्नेछ। आध्यात्मिक क्षेत्रमा विशिष्ट व्यक्तिको साथ र प्रशंसा पाइएला। आजको शुभ रंग सिन्दुरी हो भने शुभ अंक ७ रहेको छ।

मकर (भो,जा,जि,जु,जे,जो,ख,खि,खु,खे,खो,गा,गि) कार्यक्षेत्रमा लगनशीलताले गर्दा प्रशंसा मिल्नेछ। छर छिमेकीसँग वादविवादमा अघि नसर्नुहोला। कृषि वा पशुपालनबाट लाभ पाइएला। आर्थिक पक्ष सबल रहनेछ। आजको शुभ रंग केसरी हो भने शुभ अंक ४ रहेको छ।

कुम्भ (गु, गे, गो, सा, सि, सु, से, सो, दा) कार्यक्षेत्रमा सहयोगीहरू प्रतिस्पर्धी बन्नेछन्। उद्योग व्यापारमा लाभ हुनेछ ।आत्मबल बढ्नेछ। चुनौतीपूर्ण कार्यबाट लाभ आर्जन गर्न सकिनेछ। प्रशासनिक क्षेत्रबाट सहयोग मिल्ला आजको शुभ रंग पहेलो हो भने शुभ अंक ६ रहेको छ।

मीन (दि, दु, थ, झ, ञ, दे, दो, चा, चि) उच्च शिक्षाको लागि नयाँ अवसरहरू मिल्नेछन्। व्यापार व्यवसायलाई लिएर नयाँ रूपरेखा कोरिनेछ। सन्तानबाट उपहार मिल्ला। आफन्तहरूसँग भेटघाटले मन उत्साहित र प्रसन्न रहनेछ। आजको शुभ रंग केसरी हो भने शुभ अंक ८ रहेको छ।