काठमाडौं । नेपाली बजारमा आज मंगलबार सुन तोलामा ८ सय रुपैयाँ र चाँदीको मूल्यमा पनि ४० रुपैयाँ घटेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रति तोला १ लाख ५५ हजार रुपैयाँ कायम रहेको छ। हिजो सुन प्रति तोला १ लाख ५५ हजार ८०० रुपैयाँमा कारोबार भएको थियो। त्यस्तै, आज चाँदी प्रति तोला १८ सय २० कायम भएको छ । हिजो सोमबार चाँदी तोलाको १ हजार ८ सय ६० रुपैयाँमा कारोबार भएको महासंघले जनाएको छ ।