काठमाडौं ।  अमेरिकाका मध्य पश्चिम र पूर्वी तटीय क्षेत्रमा एक दशकयताको अत्यधिक चिसो तापक्रम र भीषण हिमपात भएको छ । हिमआँधी नै नाम दिइएको प्रतिकूल मौसमी अवस्थाका कारण हालसम्म ६ जनाको मृत्यु भइसकेको छ । अत्यधिक चिसो र हिमपातका कारण जनजीवन प्रभावित भएको छ ।

चिसोबाट बढी प्रभावित सात राज्यहरुमा त संकटकाल नै घोषणा गरिएको छ । भारी हिमपातका कारण २ हजार भन्दा बढी उडान रद्द गरिएका छन् । हिमपातकै कारण २३ हजारभन्दा बढी उडान निर्धारित समयभन्दा ढिलोका छन् राजधानी वासिङ्टन डिसीका केही क्षेत्रहरुमा १८ इन्चसम्म हिमपात भएको राष्ट्रिय मौसम सेवाले जनाएको छ ।