काठमाडौं ।  इंग्लिस प्रिमियर लिगअन्तर्गत शनिबार भएको खेलमा चेल्सीले क्रिष्टल प्यालेससँग १–१ गोलको बराबरीमा अंक बाँडेको छ । क्रिष्टल प्यालेसको मैदानमा भएको खेलमा जिन फिलिप मटेटाले खेलको अन्तिमतिर गोल गरेपछि चेल्सी बराबरीमा रोकियो । खेलमा प्यालेसलाई सुरुदेखि नै दबाबमा राखेको चेल्सीले १४औं मिनेटमा अग्रता लिएको थियो । कोल पाल्मरको गोलबाट लिएको अग्रता ८२ मिनेटपछि टिक्न सकेन । १५औं स्थानको क्रिष्टल प्यालेसँगको यो बराबरीका कारण चेल्सीले तालिकाको तेस्रो स्थानमा उक्लिने मौका गुमाएको छ । २० खेलबाट ३६ अंक बनाएको चेल्सी हाल चौथो स्थानमा छ । ब्लुजले पछिल्लो जित हात नपारेको यो लगातार चौथो खेल हो ।

हाल्याण्डको दुई गोल

म्यानचेस्टर सिटीले भने वेष्टह्याम युनाइटेडलाई ४–१ ले हराएको छ । इर्लिङ हालाण्ड चम्किँदा सिटीले आफ्नो मैदानमा शानदार जित हात पार्‌यो । खेलको १०औं मिनेटमा भ्लादिमिर कुफलको आत्मघाती गोलका कारण अग्रता लिएको म्यानचेस्टर सिटीले ४२औं मिनेटमा अग्रता दोब्बर बनायो । इर्लिङ हाल्याण्डले गोल गर्दै सिटीले हाफ टाइमअघि दरिलो अवस्थामा पु-याए । ५५औं मिनेटमा हाल्याण्डले टिमका लागि दोस्रो र सिजनको १६औं गोल गरे । जुन गोलसँगै सिटीले आग्रता ३–० मा लम्ब्यायो । हाल्याण्डको दुबै गोलमा साभिन्होले एसिस्ट गरेका थिए । त्यसको तीन मिनेटपछि फिल फोडेनले केभिन डि ब्रुयनाको पासमा गोल गरेपछि सिटी ५८औं मिनेटमा ४–० ले अघि रह्यो ।
७१औं मिनेटमा वेष्टह्यामका निक्लास फुल्करगले गरे । सिटी २० खेलमा ३४ अंक बनाउँदै प्रिमियर लिग टेबलको पाचौं स्थानमा छ भने वेष्टह्यामको २३ अंक छ । प्रिमियर लिगमा भएका अन्य खेलमा न्यूक्यासल युनाइटेडले टोटनह्यामलाई २–१ ले हरायो भने एएफसी बर्नमाउथले एभर्टनमाथि १–० को जित निकाल्यो । एष्टन भिल्लाले लेस्टर सिटीलाई २–१ ले हराउँदा ब्रेन्टफोर्डले साउथह्याम्टनको घरमा गएर ५ गोल प्रहार गरेको छ ।