काठमाडौं । काठमाडौंको नागार्जुन नगरपालिकाका प्रमुख मोहनबहादुर बस्नेतसहित ३ जनाविरुद्ध भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले बस्नेत, उनकी पत्नी उर्मिला बस्नेत र पद्मा कोलोनीका सञ्चालक राजुप्रसाद कँडेल साथै पद्मा कोलोनी र पद्मा मर्चेन्ट प्रालिविरुद्ध विशेष अदालतमा मुद्दा दायर गरेको हो।

घुस तथा सम्पत्ति शुद्धीकरणको मुद्दामा ९ करोड २२ लाख ४० हजार ३२ रूपैयाँ ३३ पैसा बिगो दाबीसहित विशेष अदालतमा मुद्दा दायर भएको छ। बस्नेत नेपाली कांग्रेसबाट निर्वाचित हुन्। उनी नेपाली कांग्रेस बागमती प्रदेशका उपसभापति समेत छन्।