चीनसँग ऋणसम्बन्धी कुनै सम्झौता गरेको छैनः प्रधानमन्त्री ओली
रफत न्युज २० मंसिर २०८१ १७:२९
काठमाडौं । चार दिने चीन भ्रमण सकेर फर्किएका प्रधानमन्त्री केपी शर्मा ओलीले उत्तरी छिमेकी चीनसँग ऋणसम्बन्धी कुनै किसिमको सम्झौता नगरिएको बताएका छन् ।
प्रधानमन्त्रीओलीले त्रिभुवन विमानस्थलमा पत्रकारहरूसँगको सवाल-जवाफका क्रममा यस्तो बताएका हुन् । मैले दरबारमार्गमा आयोजित आमसभामै पनि अहिले कतैबाट ऋण लिँदैनौँ भनेको थिएँ । चीनसँग पनि ऋण लिन जाँदैनौँ भनेको हो’, उनले भने, ‘चीनसँग ऋणको कुरा नै भएन, त्यसबारे कुनै छलफल भएन ।
उनले बेल्ट एन्ड रोड इनिसियटिभ (बीआरआई) अन्तर्गतका नौ वटा परियोजना कार्यान्वयनका लागि पछि अलग्गै छलफल हुने पनि बताएका छन् ।
प्रतिक्रिया
