काठमाडौं । सिन्धुलीको कमलामाई नगरपालिका–९ इनारपानीमा गएराति मोटरसाइकल दुर्घटनामा परी एक जनाको मृत्यु भएको छ ।

भिमानबाट चन्दनपुरतर्फ जाँदै गरेको ना ४७ प ६४४ नम्बरको मोटरसाइकल मदन भण्डारी राजमार्गको बायाँ साइडको पिल्लरमा ठोक्किएर अनियन्त्रित हुँदा मोटरसाइकल चालक महोत्तरीको बर्दिवास नगरपालिका–२ का २५ वर्षीय नारायण श्रेष्ठको मृत्यु भएको प्रहरीले जनाएको छ ।

प्रहरीका अनुसार दुर्घटनामा गम्भीर घाइते भएका श्रेष्ठलाई उपचारका लागि जिल्ला अस्पताल सिन्धुली पठाइएकोमा चिकित्सकले मृत घोषणा गरेका थिए ।