काठमाडौं । काठमाडौं उपत्यका आसपास क्षेत्रमा आज सोमबार पनि वर्षा भएको छ। आज बिहानैदेखि बादल लागेपनि पानी भने केहीबेर अघिदेखि पानी पर्न थालेको हो ।

काठमाडौं उपत्यकामा हिजो आइतबार पनि खण्ड वृष्टि भएकाले विभिन्न ठाउँका जनजीवन प्रभावित भएको थियो । तिहारलगत्तै परेको पानीले किसानहरुको सागपातमा राम्रो भएपनि थन्क्याउन लागेको धान बालीलाई भने असर पुर्‍याएको छ । मौसम पूर्वानुमान महाशाखाका अनुसार भोलिदेखि मौसममा सुधार हुनेछ । आज भने देशका पहाडी भूभागमा बादल लागेको छ भने केही भागमा हल्का वर्षा भएको छ । वर्षाका कारण काठमाडौं उपत्यकामा चिसो बढेको छ ।