काठमाडौं ।  अमेरिकी राष्ट्रपतीय उम्मेदवार डोनाल्ड ट्रम्पमाथि आइतबार वेस्ट बाम पिचमा गल्फ खेली रहेको समयमा फेरि एक पटक गोली प्रहार भएको छ। सुरक्षा अधिकारीकै अनुसार  निजी सशस्त्र व्यक्तिको लक्ष्य नै ट्रम्प माथि प्रहार गर्ने थियो । ती व्यक्ति गिरफ्तार भइसकेका छन्। उनको नाम रेन विस्ली राउथ भएको जनाइएको छ।

घटनालगत्तै वासिङ्टनमा रहेका राष्ट्रपति जो बाइडेन, उपराष्ट्रपति कमला ह्यारिस र सुरक्षा अधिकृतले यस बारेमा चासो लिँदै विज्ञप्ति जारी गरेका थिए। त्यसपछि शङ्कास्पद व्यक्ति गिरफ्तार भएका छन्। यो घटना भएको स्थान दक्षिणी फ्लोरिडा हो।

घटना हुँदा ट्रम्प पाँचौँ र छैटौँ होलको बिचमा थिए। शङ्कास्पद व्यक्ति धेरै परको होलमा थिए। फ्लोरिडामा रिपब्लिक प्रतिनिधि माइकल वालट्जले जुलाई घटनापछि नै आफूले यसमा सावधान रहन सुरक्षा निकायलाई सचेत गराएको बताएका छन्। १३ जुलाइमा पेनेसेल्भिनयामा भएको घटनाको छानबिन गर्न गठित ६ डेमोक्र्याट र ७ रिपब्लिकको संसदीय समितिमा छन्।

घटनाका प्रत्यक्षदर्शी अनुसार अहिले गिरफ्तार गरिएका ती व्यक्ति ३०० देखि ५०० यार्ड पर थिए। प्रहारपछि उनी हतार-हतार बसमा गएर कारमा बसेका थिए। घटनापछि वेस्ट पाम बिचमा रहेको ट्रम्प अभियानको कार्यालय बन्द गरिएको छ। झाडीको नजिकै सुरक्षाकर्मीले केही हतियारसमेत बरामद गरेको छ ।  फ्लोरिडाको रहेको ट्रम्प अन्तर्राष्ट्रिय गल्फ कोर्स ३ व्यस्त सडकको बिचमा छ। पूर्वराष्ट्रपति डोनाल्ड ट्रम्पले आफू अझ बलियो भएको बताउँदै आफू कहिले पनि हरेस नखाने प्रतिक्रिया दिएका छन्। (तस्बिरःफाइल)