काठमाडौं । बंगलादेशमा संसद भङ्ग गरिएको छ । राष्ट्रपति मोहम्मद शाहबुद्दिनले ममंगलबार दिउँसो संसद भङ्ग भएको घोषणा गरे । राष्ट्रपति कार्यालयले एक विज्ञप्ति जारी गर्दै संसद भंग भएको जानकारी गराएको छ।

आन्दोलनमा सहभागी विद्यार्थी नेताहरूले संसद भङ्ग नगरे बुधबारदेखि थप आन्दोलनका थप कार्यक्रमहरू घोषणा गर्ने चेतावनी दिएका थिए। उनीहरुले मंगलबार दिउँसो ३ बजेसम्म संसद भंग गर्न माग गरेका थिए। विद्यार्थी नेताहरूले नोबेल पुरस्कार विजेता तथा अर्थशास्त्री मोहम्मद युनुसलाई प्रमुख सल्लाहकारको रूपमा अन्तरिम सरकारको नेतृत्व दिन माग गरेका छन्। उनिहरुले सैनिक नेतृत्वको सरकार मान्य नहुेन बताएका छन् ।