काठमाडौं ।  नेपाली पौडीबाज एलेक्स शाह पेरिस ओलम्पिक- २०२४ मा राष्ट्रिय कीर्तिमान बनाइ बाहिरिएका छन्। आज मंगलबार भएको सय मिटरको पुरुष फ्रिस्टाइलको छनोट चरणमा तेस्रो भए पनि उनी अर्कोचरणमा भने प्रवेश भएनन्।

शाहले गत वर्ष फेब्रुअरीमा दोहामा भएको विश्व च्याम्पियनसिपमा ५२.१७ सेकेण्डमा सय मिटर पार गर्दै राष्ट्रिय कीर्तिमान कायम गरेका थिए। उनले आज आफ्नै रेकर्ड पनि ब्रेक गरेका छन्। आज उनले ५१.९१ सेकेन्डमा पार गरे। यसअघि उनले २०२१ मा भएको टोकियो ओलम्पिकमा ५३.४१ सेकेन्डको राष्ट्रिय कीर्तिमान बनाएका थिए।