स्रोत नखुलेको १२ लाख रुपैयाँसहित दुई जना पक्राउ
रफत न्युज १० साउन २०८१ ८:१५
काठमाडौं । प्रहरीले स्रोत नखुलेको १२ लाख रुपैयाँ नगदसहित तनहुँबाट दुई जनालाई पक्राउ गरेका छन्। तनहुँको व्यास नगरपालिका–३ दुर्गामन्दिरस्थित सडकबाट जिल्ला प्रहरी कार्यालयले बुधबार उनीहरूलाई पक्राउ गरेको हो।
उक्त कार्यालयका अनुसार रोल्पाको माडी गाउँपालिका–५ पासाबाङ घर भई हाल काठमाडौं चन्द्रागिरि नगरपालिका–१० बस्ने २० वर्षीय लक्ष्मण केसी र २५ वर्षीय सुशान केसीलाई पक्राउ गरिएको हो। काठमाडौंबाट मोटरसाइकलमा पोखरातर्फ गइरहेका उनीहरूलाई शंका लागेर जाँच गर्दा उक्त नगद बरामद भएको हो।
प्रतिक्रिया
