स्पेन युरोकप फुटबल प्रतियोगिताको फाइनलमा
रफत न्युज २६ असार २०८१ ६:३७
काठमाडौं । स्पेन युरोकप फुटबल प्रतियोगिताको फाइनलमा पुगेको छ । गएराति भएको खेलमा स्पेन ले फ्रान्सलाई २–१ गोलले हराएको हो । जर्मनीको एलिनाज एरिनामा भएको खेलमा भने फ्रान्सले अग्रता लिएको थियो ।
आठौँ मिनेटमा कोलो मुआनीले गोल गरेर फ्रान्सलाई अग्रता दिलाएका थिए । तर २१ औँ मिनेटमा यमल र २५ औँ मिनेटमा ओल्मोले गोल गरे र स्पेनलाई फाइनलमा पुर्याए । अब उपाधिको लागि स्पेनले इङ्ल्यान्ड र नेदरल्यान्ड्सबीच हुने खेलको विजेतासँग खेल्नेछ । दोस्रो सेमिफाइनलमा आज राति नेपाली समयअनुसार १२ः४५ बजे हुनेछ ।
प्रतिक्रिया
