काठमाडौं। काजकिस्तानी एलिना रेबाकिना विम्बल्डन टेनिसको महिला एकलतर्फ क्वार्टरफाइनल प्रवेश गरेकी छन्।सेन्ट्रल कोर्टमा सोमबार विश्व नम्बर तीन रेबाकिनाले रसियन खेलाडी आना कलिन्सकाया घाइते भएपछि वाकओभर प्राप्त गरेकी हुन्।

रेबाकिनाले पहिलो सेट ६-३ ले जितेकी थिइन्। दोस्रो सेटमा ३-० ले अगाडि रहेको बेला कलिन्सकायाले खेल त्याग्ने निर्णय लिएकी थिइन्।रेबाकिनाले सेमिफाइनल प्रवेशका लागि युक्रेनकी एलिना स्भिटोलीनाको सामना गर्नेछिन्।