काठमाडौं । एसिसी महिला एसिया कप २०२४ को खेल तालिका सार्वजनिक भएको छ । एसियन क्रिकेट काउन्सिल (एसिसी) ले मंगलबार सार्वजनिक गरेको संशोधित खेल तालिका अनुसार नेपालले पहिलो खेलमा युएईको सामना गर्नेछ । नेपाल र युएईबीचको खेल प्रतियोगिताको पहिलो दिन १९ जुलाईमा हुनेछ । समूह ‘ए’ मा रहेको नेपालले दोस्रो खेलमा २१ जुलाईमा पाकिस्तानको सामना गर्नेछ । नेपालले समूह चरणको अन्तिम खेलमा २३ जुलाईमा भारतसँग खेल्ने तालिका छ । प्रत्येक समूहका शीर्ष दुई टोलीले सेमिफाइनलको यात्रा गर्नेछन् ।