प्रधानमन्त्री प्रचण्ड नयाँदिल्ली प्रस्थान
रफत न्युज २७ जेठ २०८१ १४:४२
काठमाडौं । प्रधानमन्त्री पुष्पकमल दाहाल ‘प्रचण्ड’ भारतका प्रधानमन्त्री नरेन्द्र मोदीको शपथ ग्रहण कार्यक्रममा शरीक हुन नयाँदिल्ली प्रस्थान गरेका छन् । प्रधानमन्त्री दाहालका साथमा उनकी सुपुत्री गङ्गा दाहाल, कानुन, न्याय तथा संसदीय व्यवस्थामन्त्री पदम गिरी, परराष्ट्र सचिव सेवा लम्साललगायत उच्चपदस्थ सरकारी अधिकारी पनि संलग्न छन् ।
तेस्रो कार्यकालका लागि भारतीय जनता पार्टीका नेता मोदीको शपथ समारोहपछि प्रधानमन्त्री दाहाल र मोदीबीच आज साँझ भेटवार्ता हुने कार्यक्रम रहेको नयाँदिल्लीस्थित नेपाली राजदूतावासले जनाएको छ । प्रधानमन्त्री दाहाल सोमबार स्वदेश फर्किने कार्यक्रम छ ।
प्रतिक्रिया
