काठमाडौं ।  कोलकाता नाइट राइडर्स इन्डियन प्रिमियर लिग (आइपिएल) को फाइनलमा पुगेको छ। गएराति सनराइजर्स हैदरावादमाथि सहज जित निकाल्दै कोलकाताले फाइनलमा स्थान पक्का गरेको हो। अहमदावादस्थित नरेन्द्र मोदी स्टेडियममा हैदरावादले दिएको १६० रनको लक्ष्य कोलकाताल २ विकेट मात्र गुमाएर १३.४ ओभरमै पार गर्‍यो। त्यस क्रममा वेंकटेश ऐयर र कप्तान श्रीयास ऐयर अर्धशतक बनाउँदै नट आउट रहे। वेंकटेशले २८ बलमा ५ चौका र ४ छक्का प्रहार गरी ५१ रन बनाउँदा कप्तान श्रीयासले २४ बलमा ५ चौका र ४ छक्का प्रहार गरी ५८ रन जोडे। त्यसअघि ओपनर रमनउल्लाह ‍गुर्बाजले १४ बलमा २ चौका र २ छक्का प्रहार गरी २३ रन बनाए। अर्का ओपनर सुनिल नारायणले १६ बलमा ४ चौका प्रहार गरी २१ रन जोडे। बलिङतर्फ हैदरावादका प्याट कमिन्स र नटराजनले १/१ विकेट लिए।