अमेरिकामा आँधीबाट ७ जनाको मृत्यु
काठमाडौं । अमेरिकाको टेक्सासको ह्युस्टन शहरमा आँधीका कारण मृत्यु हुने सङ्ख्या बढेर सात पुगेको अधिकारीले बताएका छन् । अमेरिकाको चौथो ठुलो शहर ह्युस्टनमा बिहीबार भएको भारी वर्षासँगै प्रतिघण्टा सय माइलसम्मको गतिमा आएको हावाले गर्दा थप तीन जनाको मृत्यु पुष्टि भएसँगै मृतकको सङ्ख्या सात पुगेको छ ।
तीव्र आँदीका कारण आवासीय क्षेत्रमा रूख र बिजुलीका तार खसेका छन् भने राष्ट्रिय मौसम सेवाले साइप्रसको उपनगरमा आँधी आएको पुष्टि गरेको छ । ह्यारिस काउन्टी शेरिफ एड गोन्जालेजका अनुसार पीडितमा ८५ वर्षीया महिला पनि समावेश छन् जसको घरमा बिजुलीको प्रहारले आगलागी हुँदा मृत्यु भएको थियो ।
आँधी प्रभावित क्षेत्रको ठूलो भागमा बिजुली काटिएपछि आफ्नो अक्सिजन ट्याङ्की भर्न जाने क्रममा ६० वर्षीय व्यक्तिलाई अचेत अवस्थामा फेला परेकोमा ती व्यक्तिलाई मृत घोषित गरिएको थियो । अर्का एक ५७ वर्षीय व्यक्तिको बिजुलीको पोल सार्ने क्रममा पोल खसेर मृत्यु भएको पुष्टि भएको छ ।
ह्युस्टनका मेयर जोन ह्विटमिरेले आँधीपछि चार जनाको मृत्युको यथेष्ट विवरण तुरुन्त उपलब्ध नभएको बताए । तेल र पेट्रोकेमिकल्सको वरिपरि केन्द्रित अर्थोपार्जन भएका २.३ मिलियन मानिसको घर ह्युस्टनमा स्कुलहरू शुक्रबार बन्द गरियो भने गैर–आवश्यक कामदारहरूलाई घरमै बस्न आग्रह गरिएको थियो ।
