काठमाडौं । अमेरिकी राष्ट्रपति जो बाइडेनले शनिबार इजरायल–हमास युद्धमा आतङ्ककारी समूहले बन्धकहरूलाई रिहा गरे भोलि जति चाँडो त्यति युद्धविराम सम्भव हुने बताएका छन् ।

सियाटलमा आयोजित एक कार्यक्रममा बाइडेनले भने, यदि हमासले बन्धकहरूलाई रिहा गर्छ भने, भोलि नै युद्धविराम हुन सक्छ। अब यो हमासको हातमा छ। यदि उनीहरूले यो गर्न चाहन्छन् भने, हामी भोलि नै अन्त्य गर्न सक्छौं र भोलिबाटै युद्धविराम सुरु हुनेछ।

यसअघि बुधबार अमेरिकी राष्ट्रपतिले इजरायललाई चेतावनी दिएका थिए कि उनको सेनाले गाजाको दक्षिणी सहर रफाहमा आक्रमण गरेमा उनको सरकारले तोपखाना र अन्य हतियारको आपूर्ति बन्द गर्नेछ। उनले अमेरिकी बमबारीका कारण सर्वसाधारण मारिएको समाचारप्रति दुःख व्यक्त गरेका छन् । गाजा पट्टीमा सात महिनाभन्दा बढी समयदेखि भीषण युद्ध चलिरहेको छ ।