काठमाडौं । भारतको सर्वोच्च अदालतले शुक्रबार कारागारमा रहेका नयाँदिल्लीका मुख्यमन्त्री अरविन्द केजरीवाललाई जानतमा रिहा गर्ने आदेश दिएको छ । यसबाट उनलाई विद्यमान राष्ट्रिय निर्वाचनमा प्रचार गर्न अनुमति प्राप्त भएको छ ।
मुख्यमन्त्री केजरीवाल गत मार्च महिनादेखि शराब घोटाला काण्डमा लामो समयदेखि जेलमा रहेका थिए । आपराधिक अनुसन्धानको दायरामा आउने समूहका धेरै नेतामध्ये उनी एक हुन् । उनका एक सहकर्मीले निर्वाचनभन्दा एक महिनाअघि उनको गिरफ्तारीलाई सत्तारुढ भारतीय जनता पार्टीद्वारा रचित ‘राजनीतिक षड्यन्त्र’ का रूपमा वर्णन गरेका थिए ।
सर्वोच्च अदालतका न्यायाधीशद्वय सञ्जीव खन्ना र दीपाङ्कर दत्ताले केजरीवाल ६ साताको निर्वाचनमा मतदानको अन्तिम दिन जुन १ सम्म हिरासतबाट बाहिर रहन सक्ने बताए । सन् २०२१ मा मदिराको बिक्रीलाई उदार बनाउने र यस क्षेत्रमा आकर्षक सरकारी हिस्सेदारी छाड्ने नीति लागू गर्दा केजरीवालको सरकारमाथि भ्रष्टाचारको आरोप लगाइएको थियो । उक्त नीतिलाई अर्को वर्ष फिर्ता लिइयो तर लाइसेन्सको कथित भ्रष्ट विनियोजनमा नतिजाको अनुसन्धानले केजरीवालका दुई शीर्ष सहयोगीहरूलाई कारागार पु र्‍याएको थियो ।