अल हिलाल साउदी सुपर कपको फाइनलमा, रोनाल्डोले रातो कार्ड पाए
काठमाडौं । अल हिलाल साउदी सुपर कपको फाइनलमा पुगेको छ । सोमवार राति भएको सेमिफाइनल खेलमा अल हिलालले अल नासरलाई २-१ गोल अन्तरले पराजित गर्दै फाइनलमा स्थान पक्का गरेको हो । अल हिलालको जितमा सलेम अलदावसारी र माल्कमले एक एक गोल गरेका थिए । त्यस्तै अल नासरका लागि एक गोल साडियो मानेले गरेका थिए ।
यस खेलमा खेलको ८६औँ मिनेटमा क्रिस्टियानो रोनाल्डोले रातो कार्ड पाएपछि अल नासर १० खेलाडीमा सीमित भएको थियो । अब साउदी सुपर कपको फाइनलमा अल हिलाल र अल इत्तिहाद खेल्ने भएका छन् । फाइनल खेल अप्रिल ११ मा हुने छ ।
प्रतिक्रिया